工作

香港人返工真係大過天。

日日晨早四五點開始，就見到報紙檔老闆開始做野，六七點就輪到茶餐廳伙計開門，八九點就見到白領ＯＬ急急腳趕番工，十點十一點就輪到商場店鋪開門做生意，十二點一點就開始見到從事創意行業的朋友返工，好似我咁。

無錯，日日差不多人地食ＬＵＮＣＨ我先至返工，我ＬＵＮＣＨ　ＴＩＭＥ係人地ＴＥＡ　ＴＩＭＥ．．．放工就差不多係人地開工嘅時間啦，有時見到報紙檔老闆、茶餐廳伙計，有時見到白領ＯＬ同商場職員，最慘係見到同事番工但自己仲未走得。

其實技術性來講我係過緊歐洲嘅時間，所以我同香港正常人生活係有時差架，好多潮流嘢我都只可以知少少，約親出街實遲到或唔到。好慘，但同時又幾開心。

講左咁耐，其實係咪想解釋點解咁耐先開始第一篇博文？你好似巳經遲左好耐啦ＷＯＲ。

不是啦，我唔係咁嘅人。我只係想在這裡如實紀錄一下自己的想法罷了。

「半天工作」想寫的事，有一半關於自己工作上的事情和想法，有另一半是任何其他關於䦧讀，音樂，影像等的休閒事。好讓這個星期六好好地過。